مو ميت عدل يا هاني يبني

مو ميت عدل واكبالي اشوفك دوم واتامل يهاني لغيبتك رجعه

ماصدك غفل يوليدي عني تروح
مستعجل تريد فراكنة بسرعه

كدامي القلم كل ساعة اشمن بيه
بلكي عللقلم نيشان من صبعه

وشكد ذكريات مخلي علاوراق
وحجايات حلوة ابالي متجمعه

نقره بدفترك حد ماتطيح عيون
والبوم الصور نشتاق ونطلعه

عيني عللدرب من ربعك يردون
اكولن بلكي اشوفن جاي وي ربعه

ويطول انتظاري او وكفتي عللباب
عين اتاني تبقه وعين بالدمعة

راح التعب يمه وذاك سهرالليل
لاجني صدك ربيت وأمرضعه

لاجني ابمهد هزيت الولي عليك
يبني ولمن تمرض قلبي اتصدعه

طكتني المصايب واوجرت وياي
متعنية وعلي بيبانهه مشرعه

يومية انلجم يومية عندي مصاب
وانه عللمصايب مالي كل جرعه

شريد انسه ييمه منيلي النسيان
هو الجرف ينسه الماي ويودعه

يوليدي عمامك تسولف بيك
لمن تذكر اسمك كَلبي اتكطعه

تبقه عيوني تربي مكابله البيبان
بلكت صورتك لو صوتك انسمعه

ظلمة ليل صارت دنيتي بلياك
يلحارك حياتك بالعمل شمعه

اقنع روحي يمكن لو كلت انساك
بس كَلبيي الدفنته وياك شيقنعه ؟
هذه القصيدة لسان حال ام هاني والدة الشهيدوانا وضعتها في المنتدى للذكرى المؤلمة التي مرت بي وبعائلتي والحمد لله رب العالمين

رحم الله شهداء العراق [ندعوك للتسجيل في المنتدى أو التعريف بنفسك لمعاينة هذه الصورة]

اللهم ربي تغمد الشاب هاني برحمتك التي وسعت كل شيء ومن على والدته بالصبر والسلوان وعلى ابيه واهله

والله والله والله لقد قطعت هذه القصيده نياق قلبي وذكرتني باهلي فانالله وانا اليه راجعون ولا حول ولا قوة الابالله العلي العظيم

بعد اذنكم نسخت القصيده عندي

[ندعوك للتسجيل في المنتدى أو التعريف بنفسك لمعاينة هذا الرابط]

شكرا لمرورك حبيبي ابو فاطمة ولا اراك الله مكروه

لقد ابكيتني يا شيخ وأنت تعلم بأني في بلاد الغربة وأبنائي بعيدين عني وتعزى بعزاء الله ومأجور يا حبيبي

تعزى بعزاء الله يا شيخ وجعل الله ولدك من الشهداء ورزقنا شفاعته بحق محمد وال محمد وأنت انسان مؤمن والله يا شيخ والمؤمن يتحمل كل الظيم اذا نظرنا لامامنا المهدي المظلوم والمهضوم

[ندعوك للتسجيل في المنتدى أو التعريف بنفسك لمعاينة هذه الصورة]

» أه يا هاني يبني