قصيده

موضوع: قصيده الإثنين فبراير 01, 2010 5:43 pm

الف رحمة تنزل عليك يا ملا عبود الكرخي
من قبل 70 سنة كتب هاي القصيدة عن البرلمان
ولهسه ترهم
يا سبحان الله
كأنها مكتوبة اليوم

قيـــم الرگـــــاع مـــن هاي اللحه
اتشوفه هيبه وعنده لحيه امسرحه
يشتم ابـــــــــلا خجل وبلا مستحه
مــــــن ايحس المقعد اشويه اندحچ
قيم الرگاع من ديرة عفچ

برلمان اهل المحابس والمدس
عگـب ماچانوا يدورون الفلس
هســــه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ

اتشوف واحدهم امعگل بالوقــار
وبالاصل تاريخه اسود كله عــار
ابضرف ثلث اسنين مليونير صار
ايريد عالوادم ايعبرله چلچ
قيم الرگاع من ديرة عفچ

گمت ما اعرف حماها امن الرجل
ياهو التكضه اهو ايمثل العــــــدل
وگمنه نستورد الشلغم والفجــــــل
لان كلها ضلت اتدور ودچ
قيم الرگاع من ديرة عفچ

والله ضيعنه الصدگ مــــن الچذب
اتشوفه هيبه وحچيه المصفط عذب
ياخذك وايردك ابشرق وغــــــرب
وبسچاچينه يدچك حيل دچ
قيم الرگاع من يرة عفچ

حيل دوخني الحچي المالـــــــه ربط
وصار عندي سكر وحصبه وضغط
نفترش عاگول ونتغطه ابحسچ
قیم الرگاع من ديرة عفچ

گمت ما اميز الذيب امن الحمل
امنين ما التفت گلبي يشتعــــــل
انه ما شايف شعب يتبع خبــــل
شاب راسي وتيهت كل السچچ
قيم الرگاع من ديرة عفچ

يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطــار
ليش ضليتوا سمچ ياكل سمچ
قيم الرگاع من ديرة عفچ

لازم انميز الزين امن الزلــــــم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ
قيم الرگاع من ديرة

موضوع: رد: قصيده الثلاثاء فبراير 02, 2010 5:23 am

[ندعوك للتسجيل في المنتدى أو التعريف بنفسك لمعاينة هذه الصورة]

» قصيده للمله عبود الكرخي